Foreks bazarının həftəlik təqvimi və analitikası 31.07.23 - 06.08.23

Ötən həftə bütün bazar iştirakçılarının diqqət mərkəzində FES və AMB-nın qərarları idi

və gözlənildiyi kimi hər iki qurum uçot faiz dərəcəsini 25 baza vahidi qədər yüksəltdi.

Nəticədə dollar ötən həftəni lider mövqedə tamamladı.

Cari həftə İngiltərə Bankı və Avstraliya Ehtiyat Bankı faiz dərəcəsi ilə bağlı qərarlarını açıqlayacaqlar.

Eyni zamanda, ABŞ əmək bazarından önəmli göstəricilər dərc olunacaq.

UForex cari həftənin mühüm xəbərlərini Sizin nəzərinizə çatdırır:

Avrozona

31 iyul

13:00 – İstehlakçı Qiymət İndeksi (iyul).

01 avqust

11:55 – Almaniya – İstehsal sektorunda Biznes Aktivliyi İndeksi (iyul).

Avro ötən həftə AMB-nın faiz dərəcəsini 25 baza vahidi qədər qaldırdıqdan sonra dəyər itirdi.

Bu faiz artımı ötən ildən sayca 8-ci hesab olunur və sentyabr ayında davam etmə ehtimalı hələ də qalmaqdadır.

Belə ki, AMB pul-kredit siyasəti ilə bağlı növbəti qərarlar qəbul etməzdən öncə diqqətlə statistik göstəriciləri izləyəcəklər.

Cari həftənin gözləntiləri:

- Artım hədəfləri: 1.1090, 1.1240

- Eniş hədəfləri: 1.0930, 1.0830

Böyük Britaniya

01 avqust

12:30 – İstehsal sektorunda Biznes Aktivliyi İndeksi (iyul).

03 avqust

15:00 – Uçot faiz dərəcəsi ilə bağlı açıqlama (avqust).

Funt ötən həftə zəif mövqelərdə ticarət olunub.

Bir tərəfdən inflyasiyanın tərkib hissəsi sayılan İstehsalçı Qiymət indeksi göstəricisinin gözləntinin altında açıqlanması,

digər tərəfdən isə dolların güclənməsi funtu təzyiq altında saxlayıb. Ölkədə Biznes aktivliyi zəif nəticələr göstərir.

Cari həftə İngiltərə Bankı faiz dərəcəsini qaldırmaq niyyətindədir.

Cari həftənin gözləntiləri:

- Artım hədəfləri: 1.3000, 1.3150

- Eniş hədəfləri: 1.2700, 1.2550

ABŞ

01 avqust

18:00 – İstehsal sektorunda Biznes Aktivliyi İndeksi (iyul).

02 avqust

16:15 – Qeyri- kənd təsərrüfatı sektorunda məşğulluq göstəricisi -ADP(iyul);

18:30 – Xam neft ehtiyatları.

03 avqust

16:30 – İşsizlik müavinətləri üzrə ilkin müraciətlərin sayı;

17:45 – Xidmət sektorunda Biznes Aktivliyi İndeksi (iyul).

04 avqust

16:30 – Qeyri- kənd təsərrüfatı sektorunda məşğulluq göstəricisi (iyul);

16:30 – İşsizlik səviyyəsi (iyul).

Dollar indeksi ötən həftəni digər valyutalara nisbətdə qalib mövqeyində tamamlayıb.

Statistik məlumatlara əsasən ÜDM göstəricisi il ərzində 2.4% yüksəlib.

Eyni zamanda, FES-in faiz artımına getməsi və Pauelin çıxışı zamanı növbəti aylarda

yenidən artım ehtimallarına yer verilə biləcəyi xəbəri dolları dəstəkləyib.

Cari həftə əmək bazarından açıqlanacaq göstəricilər

FES üçün avqust ayında qərar qəbul etmə istiqamətində həlledici hesab oluna bilər.

Cari həftənin gözləntiləri:

- Artım hədəfləri: 102.20, 103.20

- Eniş hədəfləri: 100.50, 99.20

Avstraliya

01 avqust

08:30 – AEB-nın uçot faiz dərəcəsi ilə bağlı açıqlaması (avqust).

Avstraliya Dolları ötən həftəni zəif mövqedə tamamlayıb.

Belə ki, ölkədə pərakəndə satış həcmi və istehsalçı aktivliyinin gözləntinin altında açıqlanması

yerli valyutanı təzyiq altında saxlayıb.

Cari həftə Avstraliya Ehtiyat Bankı faiz dərəcəsini 25 baza vahidi qədər artırmaq niyyətindədir.

Cari həftənin gözləntiləri:

- Artım hədəfləri: 0.6780, 06900

- Eniş hədəfləri: 0.6550, 0.6430

Qızıl

Qızıl ötən həftəni neytral notlarda tamamlayıb.

Və yaxın vaxtlarda bu tempin davam edəcəyi ehtimal olunur.

2022-ci ilin payızından qızılın dəyəri 20% bahalaşıb.

Lakin dünya banklarının faiz dərəcəsi istiqamətində apardıqları mübarizələr qızılı gərginlikdə saxlayır.

Proqnozlara görə, 2024-cü ildə qızıl yeni maksimum rekordları test edərək 2000$ üzərində sərhədlərdə ticarət oluna bilər.

Cari həftənin gözləntiləri:

- Artım hədəfləri: 1985.00, 2015.00

- Eniş hədəfləri: 1930.00, 1900.00

Neft

Neft 5-ci həftədir ki, artım mövqeyini qoruyub saxlaya bilib.

Neftin qiyməti ötən həftə təqribən 3.6% bahalaşıb.

Bu bahalaşma əsasən bazarda tələbin yüksəlməsi, təklifin isə azalmasından qaynaqlanır.

Belə ki, ABŞ-da ehtiyatların azalması və Səudiyyə Ərəbistanın şəxsi qərarı da daxil olmaqla,

OPEK+ üzv ölkələrin gündəlik hasilat həcmini azaltması neftin qiymətini dəstəkləyir.

Gözləntilərə görə, Səudiyyə Ərəbistan sentyabr ayında da gündəlik hasilat həcmini 1 mln barel azaltmağı davam etdirəcək.

Cari həftənin gözləntiləri: (Brent)

- Artım hədəfləri: 87.00, 92.00

- Eniş hədəfləri:82.00, 78.00

Cari həftənin gözləntiləri: (WTI)

- Artım hədəfləri: 83.50, 88.00

- Eniş hədəfləri: 77.00, 73.00

Valyuta bazarında baş verən ən son yeniliklərdən xəbərdar olmaq üçün bizi “Telegram” kanalımızda izləyin!

https://t.me/uforex_az