Foreks bazarının həftəlik təqvimi və analitikası 06.02.2023 - 12.02.2023

Ötən həftə Avropa Mərkəzi bankı, İngiltərə bankı və FES uçot faiz dərəcəsi ilə bağlı qərarlarını açıqladılar.

Bu fonda maliyyə bazarlarında yüksək volatillik müşahidə olundu.

Cari həftə eyni qərarlar Rusiya Mərkəzi bankı və Avstraliya Ehtiyat bankı tərəfindən açıqlanacaq.

UForexcari həftənin mühüm xəbərlərini Sizin nəzərinizə çatdırır:

Avrozona

06 fevral

22:00 – AMB-nın sədri Laqardın çıxışı.

09 fevral

17:00 – Almaniya - İstehlakçı Qiymət indeksi (yanvar);

14:00 – AB liderlərinin sammiti.

10 fevral

14:00 – AB liderlərinin sammiti.

Avro ötən həftənin ilk yarısı dollara nisbətdə 1.2% yüksələrək 10 illik maksimum səviyyəsinə çatdı.

Lakin həftə sonuna doğru AMB uçot faiz dərəcəsini 50 baza vahidi qədər yüksəltsə də,

AMB-nin nümayəndələrinin açıqlamasına görə, hazırda inflyasiyanın iqtisadiyyata təzyiqi idarə edilə biləcək səviyyədədir.

Cari həftənin gözləntiləri:

- Artım hədəfləri: 1.1080, 1.1200

- Eniş hədəfləri: 1.0650, 1.0500

Böyük Britaniya

06 fevral

13:30 – Tikinti sektorunda Biznes Aktivliyi indeksi (yanvar).

09 fevral

13:45 – Pul - kredit siyasəti ilə bağlı Komitə toplantısı.

10 fevral

11:00 – Ümumi Daxili Məhsul göstəricisi (4-cü rüb, illik);

11:00 – Təkrar emal sektorunda istehsal həcmi.

İngiltərə Mərkəzi bankı ötən həftə gözlənildiyi kimi faiz dərəcəsini 50 baza vahidi qədər yüksəltdi.

Buna baxmayaraq, ötən həftə ərzində funt 1.3% - ə yaxın ucuzlaşdı.

Bank rəsmiləri faiz dərəcəsinin artırılması istiqamətində sonlanmaya doğru müəyyən siqnallar verdilər.

Cari həftənin gözləntiləri:

- Artım hədəfləri: 1.2270, 1.2500

- Eniş hədəfləri: 1.1850, 1.1640

ABŞ

07 fevral

21:00 – FES rəhbəri Pauellin çıxışı.

08 fevral

19:30 – Xam neft ehtiyatları.

09 fevral

17:30 – İşsizlik müavinətləri üzrə ilkin müraciətlərin sayı.

Ötən həftə ABŞ bazarı üçün 2 önəmli göstərici açıqlandı.

Belə ki, FES uçot faiz dərəcəsini gözlənildiyi kimi 25 baza vahidi qədər yüksəltdi.

Əmək bazarında açıqlanan pozitiv göstəricilər isə bazarın yüksək dinamikasına siqnal verdi.

Dollar indeksi ilə bərabər 20 illik xəzinə istiqrazları da 3.48% bahalaşdı.

Cari həftənin gözləntiləri:

- Artım hədəfləri: 103.50, 104.50

- Eniş hədəfləri: 101.50, 100.50

Kanada

06 fevral

19:00 – Biznes Aktivliyi indeksi – İVEY (yanvar).

10 fevral

17:30 – Məşğulluq göstəricisi (yanvar).

Kanada dolları ötən həftə qeyri müəyyən hərəkətlilik sərgilədi.

Belə ki, həftənin ilk yarısı dollara nisbətdə dəyər qazansa da,

həftə sonunda ABŞ əmək bazarında açıqlanan xəbərlər və eləcə də,

neftin dəyər itirməsi Kanada Dollarını təzyiq altında saxladı.

Cari həftənin gözləntiləri:

- Artım hədəfləri: 1.3450, 1.3620

- Eniş hədəfləri: 1.3220, 1.3100

Avstraliya

06 fevral

04:30 – Pərakəndə Satış Həcmi.

07 fevral

07:30 – Avstraliya Ehtiyat bankının Uçot faiz dərəcəsi ilə bağlı açıqlama (fevral).

Avstraliya dollarında ötən həftə təqribən 1% yaxın ucuzlaşma müşahidə olundu.

Cari həftə Avstraliya Ehtiyat bankının faiz dərəcəsini 25 baza vahidi qədər yüksəldəcəyi ehtimal olunur.

Cari həftənin gözləntiləri:

- Artım hədəfləri: 0.7160, 0.7300

- Eniş hədəfləri: 0.6830, 0.6650

Rusiya

10 fevral

14:30 – Uçot faiz dərəcəsi ilə bağlı açıqlama (fevral).

Rusiya Maliyyə Nazirliyinin açıqlamasına görə,

7 fevral – 6 mart tarixlərində rublu dəstəkləmək məqsədilə günlük 126.6 mln dollar həcmində xarici valyuta satışı icra edəcək.

Cari həftə Rusiya Mərkəzi bankı faiz dərəcəsi ilə bağlı qərarını açıqlayacaq.

Cari həftənin gözləntiləri:

- Artım hədəfləri: 72.5000, 74.5000

- Eniş hədəfləri: 68.8000, 67.000

Qızıl

Dünya Qızıl Birliyinin açıqlamasına görə, 2022-ci ildə qızıla olan tələbat öncəki il ilə müqaisədə 18% artaraq 4741 tona çatıb.

Bu həcmin əsas hissəsi 2022-ci ilin 4-cü rübünə, daha dəqiq desək,

Mərkəzi bankların kütləvi şəkildə qızıl ehtiyatlarını artırma perioduna təsadüf edir.

Belə ki, yalnız 2022-ci il ərzində Mərkəzi banklar tərəfindən 1136 ton qızıl alınıb ki,

bu göstəricinin 417 tonu məhz 4-cü rübün göstəricisidir.

İnvestisiya məqsədli yatırımların həcmi isə 2022-ci ildə 10% yüksəlib.

Cari həftənin gözləntiləri:

- Artım hədəfləri: 1895.00, 1950.00

- Eniş hədəfləri: 1840.00, 1800.00

Neft

Ötən həftə ərzində həm Brent, həm də WTI markalı neft 5%-dən çox dəyər itirib.

Dolların ucuzlaşması fonunda nefti təzyiq altında saxlayan əsas səbəblər ABŞ,

eləcə də iri neft istehlakçıları hesab olunan ölkələrdə iqtisadiyyatın zəif templərlə yüksəlməsi,

eləcə də Britaniya, Avropa, Yaponiya və Kanadada resessiya göstəriciləridir.

Qeyd edək ki, Avrozona 5 fevral tarixində Rusiya neft məhsullarına qadağalar tətbiq etməyə hazırlaşır.

Cari həftənin gözləntiləri: (Brent)

- Artım hədəfləri: 85.50, 90.00

- Eniş hədəfləri: 75.50, 70.00

Cari həftənin gözləntiləri: (WTI)

- Artım hədəfləri: 80.50, 86.00

- Eniş hədəfləri: 70.00, 65.50

Valyuta bazarında baş tutacaq bütün xəbərlərdən gündəlik olaraq məlumatlı olmaq üçün “Telegram” kanalımızı izləyin!

https://t.me/uforex_az