Unicapital “Mən də investor ola bilərəm” layihəsini həyata keçirib

"Unicapital İnvestisiya Şirkəti" ASC 1 İyun –Uşaqların Beynəlxalq Müdafiəsi Günü münasibətilə maliyyə savadlılığının artırılmasına yönəlmiş maraqlı və fərqli bir layihə reallaşdırıb. Layihə çərçivəsində şirkət əməkdaşlarının övladları ofis mühiti ilə tanış olub və xüsusi təlimdə iştirak ediblər.

"Mən də investor ola bilərəm!" adlı interaktiv təlimi Unicapital-ın Direktoru Elmira Qəribova keçib. Təlimdə uşaqlara pul anlayışı, onun gündəlik həyatda rolu və istifadə məqsədləri sadə və maraqlı şəkildə izah edilib. Daha sonra isə balaca qonaqların diqqətinə oyun formatında investisiya haqqında ümumi məlumat çatdırılıb.

Tədbirin əsas məqsədi uşaqlarda erkən yaşlardan düzgün maliyyə vərdişləri haqqında ilkin təsəvvür formalaşdırmaq olub.

Uşaqların ofis daxilindəki səmimi anları və sertifikat sevincləri tədbirin ən yaddaqalan məqamlarından olub.

“Unicapital İnvestisiya Şirkəti” ASC bundan sonra da maliyyə savadlılığının artırılmasına yönəlmiş sosial və maarifləndirici layihələrin həyata keçirilməsini davam etdirməyi planlaşdırır.