Hərəkətli bazarlarda son dəyişikliklər

Daxili Bazar

• Bu həftə AR Maliyyə Nazirliyinin 5 illik istiqrazlarının yerləşdirilməsi üzrə hərrac keçiriləcək. Yerləşdiriləcək həcm 20 milyon olacaq. Faiz gəliri 7,5% olaraq qeyd edilib. Bundan əlavə, hərrac iştirakçıları tərəfindən istiqrazların alınması üçün verilən sifarişlərin həcmi Emitent tərəfindən hərraca çıxarılmış istiqrazların həcminin 20%-dən aşağı olduğu təqdirdə, Emitent bu sifarişləri qəbul etməyə bilər. Hərrac zamanı dövlət istiqrazlarına tələb təklifi üstələyəcəyi və qiymət Emitenti qane edəcəyi halda isə, Emitent tərəfindən təklif edilən istiqrazların həcmi 50 faizədək artırıla bilər.
• AR Mərkəzi Banklarının notlarında gəlirliliklər artmaqdadır. Belə ki, keçən həftə keçirilən 28,84,168 və 252 günlük not hərraclarında orta ölçülmüş gəlirliliklər 7.38%-9.05% (bundan öncəki 6.89%-8.90%) aralığında olmuşdur.

Qlobal bazar

• ABŞ-da keçən həftə aprel ayı üçün aylıq və illik inflyasiya göstəriciləri açıqlanıb. Aylıq inflyasiya gözləntiyə uyğun olaraq 0,4% açıqlanıb. Qeyd edək ki, əvvəlki ay üçün inflyasiya göstəricisi 0,1% olub. İllik inflyasiya isə gözləntilərdən (5%) fərqli olaraq daha az 4,9% açıqlanıb.
• Prezident Co Bayden, Nümayəndələr Palatasının spikeri Kevin Makkarti və digər Konqres liderləri defolt qarşısını almaq və büdcə danışıqlarını müzakirə etmək üçün bu həftənin çərşənbə axşamı görüşməyi planlaşdırırlar. Bloomberqin verdiyi məlumata əsasən Bayden bazar günü Delaver ştatında jurnalistlərə bildirib ki, Yaponiyada sammitə getməzdən cəmi bir gün əvvəl çərşənbə axşamı McCarthy ilə görüşəcəyini gözləyir. Müzakirələrlə tanış olan şəxs görüşün o zaman gözlənildiyini təsdiqləyib, həmçinin planların dəyişə biləcəyini də qeyd edib. Bir neçə aydır ki, Prezident və respublikaçı spiker hökuməti arasında borc limitinin daha da artırıla bilməsi səbəbindən qarşıdurma artıb. Qeyd edək ki, qısa müddətli və ya texniki olaraq defolt halının baş verməsi belə dünya iqtisadiyyatına neqativ təsir edə bilər. Qeyd edək ki, Bayden razılaşmanın əldə oluna biləcəyinə ümid edir.
• Türkiyədə ötən həftənin bazar günü prezident seçkiləri keçirilib. Nəticələrə görə Rəcəb Tayib Ərdoğan 49,4%, Kamal Kılıçdaroğlu isə 44,96% səs toplayıb. Heç bir namizəd 50% baryeri keçə bilmədiyi üçün seçkilərin ikinci turu may ayının 28-i keçiriləcək.