Maliyyə bazarlarına həftəlik baxış

Daxili Bazar

• Ötən həftə 28 fevral 2023-cü il tarixində Maliyyə Nazirliyinin 40 mln. manat həcmində, 1092 gün olan tədavül müddətli dövlət ortamüddətli istiqrazlarının (DOİ) yerləşdirilməsi üzrə hərrac keçirilmişdir. Hərrac zamanı 22 investor tərəfindən qiymət intervalı 90.2430 (10.9001%) manat və 93.8995 (9.38%) manat olan 47 sifariş təqdim edilmişdir. Maliyyə Nazirliyinin qərarına əsasən istiqrazların kəsmə qiyməti 93.1400 (9.6896%) manat, orta ölçülmüş qiyməti 93.6040 (9.5001%) manat müəyyən edilmişdir. Sifarişlərin nominal qiymətlə ümumi məbləği 116,758,000 manat, yerləşdirilmiş həcmi isə 40,000,000 manat təşkil edilmişdir. Qeyd edək ki, əvvəlki 3 illik hərracda orta gəlirlilik 9.87% olmuşdur. Yəni ilin əvvəlinə nisbətən 3 illik orta gəlirlilik 0,37% azalmışdır.
• Bu həftə, 7 mart 2023-cü il Maliyyə Nazirliyinin 1 illik istiqrazının yerləşdirilməsi üzrə hərrac keçiriləcək. Yerləşdirilən həcm 70 milyon AZN olacaq və hərrac zamanı dövlət istiqrazlarına tələb təklifi üstələyəcəyi və qiymət Emitenti qane edəcəyi halda isə, Emitent tərəfindən təklif edilən istiqrazların həcmi 50 faizədək artırıla bilər.Qeyd edək ki, son belə hərrac fevral ayının 7-si keçirilib və bu hərrac zamanı orta gəlirlilik 6,97% olub. İnflyasiyanın nisbətən azaldığını və müddətin qısa olduğunu nəzərə alaraq, orta gəlirliliyin nisbətən azalacağını gözləmək olar.

Qlobal bazar

• Keçən həftə ABŞ-da fevral ayı üçün ilkin işsizlik müraciətləri (initial jobless claimes) açıqlanıb. Gözlənti 195 min olduğu halda real göstərici 190 min olub. Qeyd edək ki, əvvəlki göstərici 192 min idi.
• Bu həftənin vacib məlumatları içərisində mart ayının 10-u açıqlanacaq işsizlik səviyyəsi olacaq. Qeyd edək ki, əvvəlki göstərici 3,4% olaraq açıqlanıb, gözlənti isə 3,4% idi.
• Keçən həftə Avropada açıqlanan vacib məlumatlar içərisində inflyasiya, işsizlik yer alıb. Belə ki, işsizlik 6,7% olaraq açıqlanıb, gözlənti və əvvəlki göstərici isə 6,6% idi. Aylıq əsasda fevral üçün ilkin inflyasiya isə 0,8% olaraq açıqlanıb. Gözlənti 0,5%, əvvəlki göstərici isə - 0,2% idi. İlkin Təxmin edilən illik inflyasiya isə 8,5% açıqlanıb, gözlənti isə 8,3% idi.
• Bu həftənin vacib məlumatları içərisində isə martın 8-i açıqlanacaq keçən ilin sonuncu rübünün rüblük və illik yekun ümumi daxili məhsulu olacaq.