Neft qiymətləri və ABŞ-nin neft ehtiyatlarından satışa başlaması

ABŞ prezidenti Co Bayden yüksək inflyasiya, artan enerji və yanacaq qiymətləri ilə mübarizə məqsədi üçün ABŞ neft ehtiyatlarından müəyyən miqdar satışa çıxarılacağını elan edib. Qeyd olunur ki, bu satışlar bir neçə ay, günlük 1 milyon barel həcmində olmaqla, ümumi satış həcmi 180 milyon barel ola bilər.
Digər tərəfdən, Ağ Ev energetika agetliyinə təzyiq edərək, neft qiymətlərinin aşağı salınması məqsədi ilə bəzi digər ölkələrin də eyni addım atması sayəsində danışıqlar aparıldığı bildirilir. Neft qiymətləri ABŞ iqtisadiyyatında yüksək inflyasiyanı formalaşdıran əsas amil olduğu üçün bu dövləti çox narahat edən əsas məsələlərdən biridir. Son zamanlar, ABŞ hökuməti Səudiyyə Ərəbistana neftin hasilatını artırmaqla bağlı təzyiqlər etsə də, o OPEC+ alyansına daxil olan ölkələrin, xüsusi ilə Rusiyanın mövqeyini nəzərə alaraq addımlar atır. Yuxarıda qeyd edildiyi kimi, ABŞ bir neçə ay ərzində öz neft ehtiyatlarından satışa başlayarsa bu neftin qiymətlərinə təsir edə bilər. Qeyd edək ki, xəbər yayımlandıqdan sonra neftin qiymətlərində düşmə müşahidə edilib.