Foreks bazarının həftəlik təqvimi və analitikası 07.07.2025 - 13.07.2025

UForexcari həftənin mühüm xəbərlərini nəzərinizə çatdırır:
Ötən həftənin əsas hadisəsi ABŞ-da iyun ayı üzrə güclü məşğulluq göstəriciləri oldu.

Nonfarm Payrolls 147.000 səviyyəsinə çıxdı (proqnoz: 110.000), işsizlik isə 4.1%-ə düşdü.

Bu, ABŞ dollarına qısa müddətli dəstək versə də, ümumi geosiyasi risklər və Trampın 9 iyulda

qüvvəyə minəcək tarif qərarları səbəbilə bazarlarda qeyri-müəyyənlik hökm sürür. ABŞ dollar indeksi (DXY)

ilin əvvəlindən 12%-ə yaxın dəyər itirib.Bu həftə investorların diqqəti FED-in iyun iclasına dair protokollarına,

ABŞ-ın tarif siyasətinə və Böyük Britaniyada ÜDM, sənaye və ticarət balansı məlumatlarına yönələcək.

Ticarət danışıqlarında irəliləyişin olmaması və fiskal qeyri-sabitlik bazarlarda ehtiyatlı yanaşmanı gücləndirir.

ABŞ

ABŞ-da ötən həftə açıqlanan məşğulluq məlumatları iqtisadiyyatın hələ də dayanıqlı olduğunu göstərdi:

NFP üstəgəl 147.000, işsizlik 4.1%, ISM PMI-lar da gözləntiləri üstələdi. Bu, iyulda faiz endiriminin baş

tutmayacağı fikrini gücləndirdi — bazarlar indi əsasən sentyabr endiriminə fokuslanıb.9 iyulda Trampın yeni

tarifləri elan edəcəyi gözlənilir. Çində və Avropa İttifaqı ilə danışıqlarda irəliləyiş yoxdur, bəzi ölkələrə məktublar

artıq göndərilir. Tramp BRICS-ə yaxın ölkələrə əlavə 10% tarif təklif edir. FOMC protokolları (çərşənbə günü) və işsizlik

müavinəti müraciətləri (cümə axşamı) həftənin əsas daxili riskləridir.Dollar texniki baxımdan zəifləyib, ancaq güclü

məşğulluq və zəif inflyasiya rəqəmləri FED-i hələ tələsməməyə vadar edir.

09 iyul
18:30 - Xam Neft Ehtiyatları
21:00 - 10 illik əskinas auksionu

22:00 - Federal Açıq Bazar Komitəsinin (FOMC) protokollarının dərci

10 iyul
16:30 - İlkin İşsizlik İddiaları

21:00 - 30 illik istiqraz auksionu

Avrozona

Avrozona iqtisadi göstəriciləri qarışıq olub. İyun ayı üçün illik HICP inflyasiyası 2%, baza inflyasiya

isə 2.3% səviyyəsində təsdiqlənib. Almaniyada pərakəndə satışlar may ayında 1.9% artıb (aprel: 2.9%).

Avropa Mərkəzi Bankı ehtiyatlı mövqedə qalmaqdadır. Prezident Lagard inflyasiyanın qeyri-sabitlik fonunda

daha dəyişkən ola biləcəyini bildirib.Bu həftə Almaniyada inflyasiya və Avrozona üzrə pərakəndə satış məlumatları

açıqlanacaq. ABŞ dollarının zəifliyi fonunda avro güclənir, lakin bu tendensiya Trampın tarif qərarları və ABŞ tərəfindən

tətbiq edilə biləcək ticarət məhdudiyyətlərindən təsirlənə bilər.

10 iyul
10:00 - Almaniyada İstehlakçı Qiymətlərinin indeksi (İyun)

Cari həftənin gözləntiləri:

- Artım hədəfləri: 1,1830; 1,1900; 1,2000

- Eniş hədəfləri: 1,1717; 1,1631; 1,1500

Böyük Britaniya

Funt sterlinq son illərin zirvələrinə yaxınlaşıb, lakin daxili siyasi risklər səbəbilə bir qədər geri çəkilib.

Baş nazir Keir Starmer-in maliyyə naziri Reeves-in vəzifədə qalıb-qalmayacağına dair suallardan yayınması

bazarda narahatlıqlar yaratdı.Bu həftə Böyük Britaniya üzrə vacib makro məlumatlar açıqlanacaq:

ÜDM (may üçün +0.1% gözlənilir), sənaye və istehsalat göstəriciləri, ticarət balansı və tikinti sektoru statistikaları.

FED protokolları və ABŞ tərəfdən gələcək fiskal risklər GBP/USD üçün əsas xarici faktorlar olacaq.

11 iyul

10:00 – Böyük Britaniyada Ümumi Daxili Məhsul (May)

Cari həftənin gözləntiləri:

- Artım hədəfləri: 1,3750; 1,3800; 1,3875

- Eniş hədəfləri: 1,3588; 1,3445; 1,3300

Neft

WTI nefti ötən həftə 64,00–66,00 dollar aralığında sabit qalaraq, həftəni 65,65 civarında bitirdi.

ABŞ-da 4 iyul tətilinin olması ticarət aktivliyini azaldıb. Bu həftənin əvvəlində isə volatillik arta bilər.

Trampın 9 iyulda gözlənilən tarif qərarları qlobal enerji tələbinə təsir edə bilər, lakin hal-hazırda təklif sabitdir

və Yaxın Şərqdə atəşkəs vəziyyəti qiymətləri tarazlayır.

Cari həftənin gözləntiləri: (WTI)

- Artım hədəfləri: 67,00; 68,00; 70,00

- Eniş hədəfləri: 65,00; 64,00; 62,00

Cari həftənin gözləntiləri: (Brent)

- Artım hədəfləri: 69,00; 70,60; 72,00

- Eniş hədəfləri: 66,50; 64,00; 60,00

Qızıl

Qızıl keçən həftəyə güclü başlayaraq 3300.00 dollar səviyyəsini keçdi, lakin FED-in sərt ritorikası və güclü

məşğulluq məlumatları fonunda bu artım uzun sürmədi. FED sədri Pauell inflyasiya təzyiqlərinin yayda

artacağını bildirib, bu isə faiz endiriminin təxirə salınması deməkdir.Trampın ticarət məktublarını göndərməsi

və tarif qərarlarının qeyri-müəyyənliyi fonunda bazarların ehtiyatlılığı artıb. Əgər razılaşmalar əldə olunmazsa və

tariflər tətbiq olunarsa, qızıl yenidən yüksələcək.

Cari həftənin gözləntiləri:

- Artım hədəfləri: 3370.00; 3400.00; 3455.00

- Eniş hədəfləri: 3300.00; 3285.00; 3185.00

Valyuta bazarında baş verən ən son yeniliklərdən xəbərdar olmaq üçün bizi “Telegram” kanalımızda izləyin!

https://t.me/uforex_az