Foreks bazarının həftəlik təqvimi və analitikası 20.11.2023 - 26.11.2023

UForexcari həftənin mühüm xəbərlərini Sizin nəzərinizə çatdırır:

Avrozona

24 noyabr

11:00 – Almaniya – ÜDM göstəricisi (3-cü rüb).

Avro ötən həftə artım istiqamətində əsaslı hərəkət sərgiləyib.

Əsas səbəb olaraq dolların geriləməsi göstərilir.

Digər tərəfdən, AMB-nın rəsmilərinin açıqlamasına görə,

gərəkli olduğu halda faiz dərəcəsi yenidən artırıla bilər.

Bazar iştirakçıları anlamalıdırlar ki, bu hələ son deyil

və dekabr toplantısında hər şey ola bilər.

Cari həftənin gözləntiləri:

- Artım hədəfləri: 1.0980, 1.1100

- Eniş hədəfləri: 1.0820, 1.0700

ABŞ

21 noyabr

23:00 – FOMS toplantı protokolu.

22 noyabr

04:30 – FOMS toplantı protokolu;

17:30 – İşsizlik müavinətləri üzrə ilkin müraciətlərin sayı;

19:30 – Xam neft ehtiyatları;

23:00 – FOMS toplantı protokolu.

24 noyabr

18:45 – Xidmət sektorunda Biznes Aktivliyi İndeksi (noyabr).\

Dollar ötən həftə sürətli eniş yaşadı.

Bununla da cari ildə 2-ci dəfədir ki,

dollar həftə ərzində 1.8% eniş sərgiləyib.

ABŞ-da ötən həftə açıqlanan inflyasiya göstəriciləri

gözləntidən zəif açıqlandı.

Bu da FES-in artıq 2024-cü ilin ilk rübündən etibarən

faiz dərəcəsini aşağı salacağını göstərir.

Eyni zamanda, 10 illik xəzinə istiqrazlarının gəlirliliyi

də 2 ayın minimumuna enib.

Cari həftənin gözləntiləri:

- Artım hədəfləri: 104.50, 105.50

- Eniş hədəfləri: 103.00, 102.30

Qızıl

Qızılın qiyməti 2023-cü ilin oktyabr ayında

son 50 ilin ən yüksək artımını sərgiləyib.

Qızıl oktyabr ayında 7.3% bahalaşıb.

Buna əsas səbəb olaraq ABŞ iqtisadi göstəricilərinin,

xüsusilə inflyasiyada zəif geriləmə templəri göstərilir.

Ümumilikdə son 12 ay ərzində qızıl 22% bahalaşıb.

Digər tərəfdən, Dünya Qızıl Birliyinin açıqlamasına görə,

cari ilin 3-cü rübündə mərkəzi banklar 337 ton qızıl əldə ediblər.

Alıcı ölkələr sırasında Çin, Polşa və Türkiyə liderlik edirlər.

Cari həftənin gözləntiləri:

- Artım hədəfləri: 1995.00, 2020.00

- Eniş hədəfləri: 1965.00, 1945.00

Neft

Neftin qiyməti artıq 4 həftədir ki, eniş yaşayır.

Həm Brent, həm də WTI markalı neft 4 həftə ərzində

ümumi dəyərinin 1/6 hissəsini itirib.

Neftin ötən həftə sürətli enişinin əsas səbəbi kimi

ABŞ neft ehtiyatlarının sürətlə artması göstərilir.

Müşahidə olunan qiymət enişi Səudiyyə Ərəbistanın

2024-cü ilin əvvəlində də günlük hasilatı 1mln barel həcmində

saxlayacağı ehtimalını gücləndirir.

Cari həftənin gözləntiləri: (Brent)

- Artım hədəfləri: 84.00, 88.00

- Eniş hədəfləri: 77.00, 73.00

Cari həftənin gözləntiləri: (WTI)

- Artım hədəfləri: 80.00, 84.00

- Eniş hədəfləri: 72.00, 68.00

Valyuta bazarında baş verən ən son yeniliklərdən xəbərdar olmaq üçün bizi “Telegram” kanalımızda izləyin!

https://t.me/uforex_az