Foreks bazarının həftəlik təqvimi və analitikası 28.07.2025 - 03.08.2025

UForexcari həftənin mühüm xəbərlərini nəzərinizə çatdırır:
Ötən həftə ABŞ dolları ticarət məsələləri və FED-in ətrafında

yaranan siyasi gərginlik fonunda zəifləməyə meylli oldu. Bununla

belə, istiqraz gəlirləri xüsusilə qısamüddətli perpektivdə sabitləşdi

və dollar ayın sonuna yaxın müəyyən dayanıqlıq qazandı. Əsas

diqqət artıq iqtisadi göstəricilərdə deyil, onların necə şərh ediləcəyindədir.

FED-in rəhbərliyi faiz endirimi üçün tələsmir, lakin iqtisadi zəifliklərin artması

bu qərarı gecikdirilə bilməz hala gətirə bilər. İkinci rüb üzrə ÜDM-də gözlənilən

artım müvəqqəti rahatlıq yaratsa da, istehlak tərəfdən zəifləmə və real sektorda

yavaşlama fonunda ümumi vəziyyət ehtiyatlı olaraq qalır. Siyasi fonda Trampın

tarifləri və FED-ə təzyiqləri də bazarlarda qeyri-müəyyənliyi artırır. Bu həftə isə

bazarların diqqəti ABŞ-də olacaq.

ABŞ

Bazarlar FED-in bu həftə faizləri sabit saxlayacağına əmin olsa da, real təsir

Pauelin verəcəyi mesajlar və ümumi çıxışından gələcək. Əgər FED inflyasiyanın

tədricən səngiməsi fonunda faiz endirimini uzaq tutarsa, dollar dəstək görəcək.

Əksinə, zəif məşğulluq göstəriciləri və iqtisadi zəifliklər vurğulanarsa, bu, bazarları

faiz endiriminə daha da inandıracaq və dollar zəifləyə bilər.İkinci rüb üzrə ÜDM

göstəricisi dolların dinamikasını müəyyən edə biləcək əsas siqnallardan biridir.

İstehlak tərəfdə artıq zəifləmə əlamətləri müşahidə olunur. Eyni zamanda,

əmək bazarının da sektorlar üzrə qeyri-bərabər artımı diqqət çəkir:

real iqtisadiyyatın aparıcı sahələri artıq sönməyə başlayıb. Bu, FED-in də

diqqətindən yayınmır və dekabrda daha kəskin addım ehtimalını gündəmdə saxlayır.

29 iyul

18:00 – İstehlakçı güvən indeksi (iyul)

18:00 – “JOLTS” əmək birjasında açıq vakansiyaların sayı (iyun)

30 iyul

16:15 – ADP-dən qeyri-kənd təsərrüfatı sektorunda məşğulluq göstəricisi (iyun)

16:30 – Ümumi daxili məhsul göstəricisi (2-ci rüb)

18:30 – Xam neft ehtiyatları

22:00 – Federal Açıq Bazar Komitəsinin (FOMC) açıqlaması

22:00 – FED-in uçot faiz dərəcəsi ilə bağlı qərarı

22:30 – Federal Açıq Bazar Komitəsinin (FOMC) mətbuat konfransı

31 iyul

16:30 USD – Şəxsi istehlak xərcləri üzrə əsas qiymət indeksi (aylıq) (iyun)

16:30 USD – Şəxsi istehlak xərcləri üzrə əsas qiymət indeksi (illik) (iyun)

16:30 USD – İşsizlik müavinətləri üzrə ilkin müraciətlərin sayı

1 avqust

16:30 USD – Saatlıq orta əməkhaqqı (aylıq) (iyul)

16:30 USD – Qeyri-kənd təsərrüfatı sektorunda məşğulluq göstəricisi (iyul)

16:30 USD – İşsizlik göstəricisi (aprel)

17:45 USD – İstehsal sektorunda biznes aktivliyinin indeksi (PMI) (iyul)

18:00 USD – ISM-dən istehsal sektorunda biznes aktivliyinin indeksi (PMI) (iyul)

Avrozona

Avrozonada iqtisadi göstəricilərin yavaş-yavaş bərpa olunduğu müşahidə

edilsə də, bu tendensiya kifayət qədər zəif və qeyri-sabitdir. İyul ayı üçün

ilkin inflyasiya və ÜDM məlumatlarının avronun istiqamətini müəyyən

edəcəyi gözlənilir. Avropa Mərkəzi Bankı hazırda ehtiyatlı mövqedə qalır

və siyasətini məlumatlara əsasən formalaşdırır. Lakin ticarət müharibələrinin

mümkün gərginləşməsi və ya ABŞ ilə razılaşmanın əldə olunması avronun orta

müddətli trayektoriyasına birbaşa təsir göstərə bilər.Əgər Avrozona və ABŞ arasında

mümkün tarif razılaşması həyata keçərsə, bu, avroya müəyyən dəstək verə bilər.

Əks halda, qarşılıqlı təzyiq və tariflər avro üçün mənfi fon yarada bilər.

30 iyul

12:00 – Almaniyada ümumi daxili məhsul göstəricisi (2-ci rüb)

31 iyul

16:00 – Almaniyada istehlak qiymətlərinin indeksi (iyun)

1 avqust

13:00 – Avrozonada istehlak qiymətləri indeksi (illik) (iyul)

Cari həftənin gözləntiləri:

- Artım hədəfləri: 1.1830; 1.1900; 1.1975

- Eniş hədəfləri: 1.1650; 1.1620; 1.1550

Neft

Neft bazarı ötən həftə qeyri-müəyyən və volatilliklə dolu bir ticarət mühiti

yaşadı. Qiymətlər hər dəfə texniki müqavimətlərdən geri çəkilərək daha

aşağı dəstək səviyyələrinə yönəldi. Satıcıların aktivliyi yenidən artıb və bu

həftə də fundamental fonun riskli qalması neftə təzyiq göstərə bilər.

Hər iki marka üçün qiymətlər texniki olaraq eniş istiqamətində mövqe

tutur. Əgər qlobal risk iştahı azalsa və FED-in mövqeyi daha sərt tonla

səslənsə, bu, neft üçün əlavə eniş potensialı yaradacaq. Eyni zamanda,

ABŞ və Çin arasında müsbət ticarət siqnalları da riskli aktivlərə marağı

artıra bilər. Bu isə qısamüddətli artım impulsu verə bilər.

Cari həftənin gözləntiləri (Brent):

- Artım hədəfləri: 73.55; 80.65; 86.55

- Eniş hədəfləri: 67.00; 63.35; 57.05

Cari həftənin gözləntiləri (WTI):

- Artım hədəfləri: 65.80; 66.85; 68.30

- Eniş hədəfləri: 64.20; 63.50; 61.70

Qızıl

Qızılın qiyməti həftənin əvvəlində 3400 dollar səviyyəsini aşsa da,

riskli aktivlərə marağın artması ilə geriyə çəkildi. Hazırkı vəziyyətdə

bazar FED-dən daha dəqiq siqnal gözləyir. Əgər FED-in tonu yumşalsa

və iqtisadi zəifliklərə diqqət yönəlsə, bu, qızıla güclü dəstək verə bilər.

Əksinə, FED inflyasiyanın təkcə müvəqqəti deyil, davamlı təzyiq altında

olduğunu bildirərsə və yaxın aylar üçün ehtiyatlılıq nümayiş etdirərsə,

bu, qızıl üçün neqativ fon yarada bilər.İnvestorlar həm də ABŞ-Çin

münasibətlərini izləyir. Ticarət sahəsində irəliləyişlər və riskli aktivlərə

axın fonunda qızılın cazibəsi zəifləyə bilər. Lakin fundamental

qeyri-müəyyənlik qalarsa və dollar zəifləməyə davam edərsə,

bu, yenidən qızılı dəstəkləyə bilər.

Cari həftənin gözləntiləri:

- Artım hədəfləri: 3,350; 3,400; 3,450

- Eniş hədəfləri: 3,300; 3,285; 3,250

Valyuta bazarında baş verən ən son yeniliklərdən xəbərdar olmaq üçün bizi “Telegram” kanalımızda izləyin!

https://t.me/uforex_az