“Unicapital İ.Ş.” ASC-nin anderrayteri olduğu "BOA Agency" ASC-nin səhmləri BFB-də standart bazar seqmentində şərti listinqə alınmışdır

“BOA AGENCY” Açıq Səhmdar Cəmiyyətinin hər birinin nominal dəyəri 1 (bir) manat olan 86 000 (səksən altı min) ədəd adi, adlı, sənədsiz yeni səhm emissiyasının anderrayteri “Unicapital İnvestisiya Şirkəti” ASC-dir.

Səhmlərin yerləşdirilməsi, kütləvi təklif üsulu ilə, abunə yazılışı formasında Bakı Fond Birjasında (BFB) həyata keçiriləcəkdir. Abunə yazılışı bu gündən başlayır və 2 iş günü müddətində davam edəcəkdir.

Abunə yazılışı başa çatdıqdan sonra 7 (yeddi) iş günü ərzində səhmlərin yerləşdirilməsinin başlanma tarixi elan ediləcək və abunə yazılmış şəxslərə bu barədə bildiriş göndəriləcək. Səhmlərin yerləşdirilməsinə emitent tərəfindən elanda qeyd edilmiş tarixdə başlanılacaq və 3 iş günü ərzində başa çatdırılacaqdır.

Kütləvi təklif olunan səhmlərin yerləşdirilməsi aşağıdakı ardıcıllıqla həyata keçiriləcəkdir:

• İlk 2 iş günü ərzində üstünlük hüququna malik olan səhmdarlar arasında səhmlərin yerləşdirilməsi;
• Digər investorlar üçün səhmlərin yerləşdirilməsi.