İngilis dilində “Initial Public Offering” birləşməsinin qısaldılması olan və İlkin Kütləvi Yerləşdirmə mənasını verən IPO şirkətlərin əlavə kapital cəlb etmələri üçün keçdiyi prosesdir. Digər sözlə, şirkət səhmlərini birja vasitəsilə satışa çıxarır və investorlar həmin səhmləri ala bilir.

İlkin Kütləvi Təklifin keçirilməsində əsas məqsədlər aşağıdakılardır:

• Əlavə kapital cəlb etmək və geniş investor kütləsinə çıxmaq. Toplanılan vəsait həm mövcud istiqamətlərin inkişafında, həm də yeni layihələrin maliyyələşdirilməsində istifadə oluna bilər.

• Müsbət reputasiya. IPO əsasən ictimaiyyətə açıq şəkildə həyata keçirildiyi üçün, istər cari sektor, istərsə də investorlar arasında şirkətin nüfuzunu artırır və güvən yaradır.

• Likvidlik. IPO emitentin qiymətli kağızlarının asanlıqla fond birjası üzərindən alınıb satılmasına səbəb olur. Bu isə öz növəsində şirkətin bazar dəyərinin yüksəlməsinə müsbət təsir göstərir.

Dividend – şirkətin mənfəətinin səhmdarlar arasında bölüşdürülən hissəsidir.
İnvestorlar dividendləri sahib olduqları səhmlərin sayına uyğun alırlar.

PAŞA Bank xalis mənfəətin təxminən 30-40%-ni dividend kimi bölüşdürməyi planlaşdırır.

Bu göstərici aşağıdakılardan asılıdır:
• Maliyyə nəticələri
• Tənzimləyici tələblər
• Səhmdarların qərarı

Nümunə:
Əgər bankın xalis mənfəəti 100 milyon AZN təşkil edirsə və ödəniş nisbəti 40%-dirsə, 40 milyon AZN səhmdarlara dividend kimi paylanacaq.

IPO-da iştirak edən investorlar aşağıdakı üstünlükləri qazanırlar:

• Böyümə mərhələsində olan şirkətə investisiya etmək imkanı

• Güclü bazar mövqeyinə malik şirkətdə pay sahibi olmaq

• Səhmin qiymət artımından qazanc əldə etmək

• Dividend əldə etmək imkanı

• Şəffaf və əlçatan səhmdarlıq modeli

İlk dividend ödənişi 2026-cı ilin iyun ayında gözlənilir (təsdiqdən asılıdır)
İl ərzində əlavə dividend ödənişləri də nəzərdən keçirilə bilər.

Dividendlər 5% mənfəətdən tutulan vergi ilə vergiyə cəlb olunur, lakin hazırkı qanunvericiliyə əsasən 1 fevral 2028-ci il tarixinədək vergidən azaddır (Vergi Məcəlləsi, 102.1.22-2-ci maddə).

Qeyd: Vergi tətbiq olunduğu halda, məbləğ dividend ödənilməzdən əvvəl avtomatik tutulur.

IPO qeydiyyat dövründə sifariş məbləğinin hesabda qaldığı müddət ərzində investorların illik 5% əlavə gəlir əldə etmək imkanı mövcuddur.

*Faizlərin hesablanması (vergi daxil olmaqla) qeydiyyat müddəti ərzində aparılır və abunə yazılışı bitdikdən sonrakı bir neçə gün ərzində investorun hesabına köçürülür