Foreks bazarının həftəlik təqvimi və analitikası 01.04.025 -06.04.2025

UForexcari həftənin mühüm xəbərlərini nəzərinizə çatdırır:

Ötən həftə beynəlxalq maliyyə bazarlarında ticarət müharibəsi riskləri və geosiyasi gərginliklər fonunda dalğalanmalar müşahidə olundu.

ABŞ-ın prezidenti Donald Trampın avtomobil və ehtiyat hissələri idxalına 25%-lik rüsum tətbiqi qərarı,

eyni zamanda Rusiya-Ukrayna və Danimarka ilə bağlı sərt mövqeyi bazarlarda riskdən qaçınma əhval-ruhiyyəsini artırdı.

Bu hadisələr nəticəsində qızıl rekord səviyyəyə çatdı, EUR/USD cütlüyü texniki dəstəyə yaxın dayandı, WTI nefti isə 71 USD həddini qırdı.

ABŞ

Keçən həftə ABŞ Dolları İndeksi zəif enişli “pin bar” şam fiquru ilə bağlandı və qiymət hərəkəti çox dar aralıqda oldu.

Ümumilikdə, Forex bazarında ötən həftə əhəmiyyətli bir dəyişiklik müşahidə olunmadı.

İndeks 3 ay əvvəlki səviyyəsindən xeyli aşağıdadır, bu da əvvəlki uzunmüddətli yüksəliş trendinin qüvvədən düşdüyünü göstərir.

Lakin uzunmüddətli trend qeyri-müəyyəndir, çünki qiymət hələ də 6 ay əvvəlki səviyyədən yuxarıda qalır.

1 aprel

17:45 – Sənaye sektorunda aktivlik (PMI)

18:00 – "ISM" biznes aktivliyi indeksi (PMI)

18:00 – Boş iş yerləri hesabatı (JOLTS)

2 aprel

16:15 – ADP-dən qeyri-kənd təsərrüfatı sektorunda məşğulluq göstəricisi

18:30 – Xam neft ehtiyatları

3 aprel

16:30 – İşsizlik müavinətləri üzrə ilkin müraciətlərin sayı

17:45 – S&P Global xidmət sektorunun PMI İndeksi

18:00 – İSM-dən qeyri-istehsal sektorunda Biznes Aktivliyinin indeksi (Mart).

4 aprel

16:30 – Saatlıq orta əmək haqqı (aylıq) (Mart)

16:30 – Qeyri-kənd təsərrüfatı sektorunda məşğulluq göstəricisi (Mart)

16:30 – İşsizlik göstəricisi (Mart).

19:25 – FED rəhbəri Pauelin çıxışı.

Avrozona

EUR/USD ötən həftəni 1.082 səviyyəsində başa vurdu, dollar təzyiq altında qalsa da, avro alıcıları mövqelərini qorudu.

ABŞ-ın prezidenti Donald Trampın ticarət müharibəsi və Rusiya-Ukrayna,

eləcə də Danimarka ilə yaşanan geosiyasi gərginliklər riskli aktivlərdən qaçışı artırdı.

Trampın avtomobil və avtomobil ehtiyat hissələrinə 25% rüsum tətbiq edəcəyini açıqlaması, Avrozonaya iqtisadi təzyiqləri artırdı.

AMB nümayəndələri bu tariflərin faiz siyasətini çətinləşdirdiyini vurğuladılar.

Avrozonada iqtisadi göstəricilər (xüsusən Almaniyada istehsal artımı) pozitiv olsa da, alıcı marağını tam bərpa edə bilmədi.

ABŞ-da isə istehlakçı inamı kəskin azaldı və PCE inflyasiya göstəriciləri gözləntiləri aşdı,

bu da dolların əvvəlcə yüksəlib sonra zəifləməsinə səbəb oldu.

Bu həftə üçün diqqət mərkəzində Avrozonada mart ayı üzrə inflyasiya göstəriciləri,

eləcə də ABŞ-da ISM indeksləri, məşğulluq məlumatları və NFP hesabatı olacaq.

Bu məlumatlar EUR/USD kursuna növbəti istiqaməti verəcək.

1 aprel

13:00 – İstehlak qiymətləri indeksi (CPI) (İllik)

Cari həftənin gözləntiləri:

- Artım hədəfləri: 1.0850; 1.0883; 1.0916

- Eniş hədəfləri: 1.0784; 1.0751; 1.0718

Neft

Keçən həftə WTI neftinin qiyməti alıcı dəstəyi ilə yüksələrək çərşənbə günü 70 ABŞ dollarına yaxınlaşdı,

lakin cümə günü satış təzyiqi qiyməti bir qədər geri çəkdi.

Bu həftənin çərşənbə axşamı Asiya sessiyasında WTI neftinin qiyməti 71.35 ABŞ dollarına yüksəldi.

Bu artımın əsas səbəbi ABŞ-ın prezidenti Donald Trampın Rusiya neftinə ikincil tariflər tətbiq edə biləcəyi ilə bağlı verdiyi sərt bəyanatlar oldu.

Tramp bazar günü bildirdi ki, əgər Moskva Ukraynadakı müharibəyə son qoymaq cəhdlərinə mane olarsa,

Rusiya neftini alanlara 25-50% arasında əlavə rüsum tətbiq olunacaq.

Eyni zamanda Tramp İranla da münasibətlərdə gərginliyi artıraraq,

razılıq əldə olunmadığı təqdirdə bombalama və tarif hədələri ilə çıxış edib.

UBS analitiki C. Staunovo-nun fikrincə, bu bəyanatlar hələlik rəsmi addımlara çevrilməsə də,

təklif edilən tariflər gələcəkdə ciddi təchizat riskləri yarada bilər.

Digər tərəfdən, çərşənbə günü qüvvəyə minəcək avtomobil və "qarşılıqlı" tariflərlə bağlı narahatlıqlar qlobal iqtisadi yavaşlama riskini artırır.

Tramp bildirib ki, yeni tarif planı bütün ölkələri əhatə edəcək.

Bu isə neft bazarına əlavə qeyri-müəyyənlik gətirir və tələb baxımından qiymət artımını məhdudlaşdıra bilər.

Cari həftənin gözləntiləri: (WTI)

- Artım hədəfləri: 72.55;73.70; 75.57

- Eniş hədəfləri: 69.53; 67.66; 66.51

Cari həftənin gözləntiləri: (Brent)

- Artım hədəfləri: 75.78; 76.79; 78.54

- Eniş hədəfləri: 73.02; 71.27; 70.26

Qızıl

Qızılın (XAU/USD) qiyməti $3,148 səviyyəsini keçərək tarixdə ən yüksək göstəriciyə çatdı.

Bu artımın əsas səbəbi ABŞ-ın prezidenti Donald Trampın 2 aprel tarixindən etibarən xaricdən gətirilən avtomobillərə 25% rüsum tətbiq edəcəyini və

Kanada ilə Avropa İttifaqına qarşı əlavə gömrük rüsumları qoyacağını elan etməsidir.

Bu açıqlamalar dünya iqtisadiyyatında yavaşlama qorxularını artırdı və investorların təhlükəsiz aktivlərə,

o cümlədən qızıla yönəlməsinə səbəb oldu. ABŞ-da iqtisadi göstəricilər (PMI və PCE inflyasiya göstəriciləri) güclü olsa da,

bazar əsas diqqətini ticarət risklərinə yönəldib.

Bu həftə investorlar ABŞ-ın rüsumlarla bağlı detallı açıqlamalarını və cümə günü açıqlanacaq məşğulluq göstəricilərini (NFP) gözləyirlər.

Əgər bu göstəricilər 200,000 nəfərdən çox olarsa, dollar güclənə və qızıl qiymətində korreksiya baş verə bilər.

Əgər nəticə 100,000 nəfərdən az olarsa və ABŞ iqtisadiyyatında yavaşlama əlamətləri güclənsə,

bu halda Federal Rezervin faiz dərəcəsini azaltması ehtimalı arta bilər və bu da qızılın qiymətinə əlavə dəstək verə bilər.

Cari həftənin gözləntiləri:

- Artım hədəfləri: 3160.20; 3193.60; 3255.70;

- Eniş hədəfləri: 3064.70; 3002.60; 2969.20;

Valyuta bazarında baş verən ən son yeniliklərdən xəbərdar olmaq üçün bizi “Telegram” kanalımızda izləyin!

https://t.me/uforex_az