Foreks bazarının həftəlik təqvimi və analitikası 06.11.2023 - 12.11.2023

Ötən həftə maliyyə bazarlarında yüksək volatillik müşahidə olunub.

ABŞ və İngiltərə faiz dərəcəsini dəyişməz olaraq saxlayıb.

ABŞ əmək bazarında açıqlanan göstəricilər isə bir o qədər ürək açan olmadı.

Cari həftə Avstraliya və Rusiya Bankları faiz dərəcəsi ilə bağlı qərarlarını açıqlayacaqlar.

UForexcari həftənin mühüm xəbərlərini Sizin nəzərinizə çatdırır:

Avrozona

08 noyabr

11:00 – Almaniya – İstehlakçı Qiymət İndeksi (oktyabr).

Avro ötən həftəni artım mövqeyində tamamlayaraq 1.07 sərhəddi üzərində qərarlaşıb.

Buna əsas səbəb dolların açıqlanan mənfi göstəriciləri əsasında geriləməsi göstərilir.

AMB-nın nümayəndələri faiz dərəcəsi ilə bağlı addımlara hələ son qoyulmadığı haqda açıqlama versələr də,

bazar iştirakçıları artıq artım istiqamətdə gözləntilərin olmayacağı,

əksinə 2024-cü ilə qədər bankın yumşalma siyasətinə üz tutacağını ehtimal edirlər.

Cari həftənin gözləntiləri:

- Artım hədəfləri: 1.0800, 1.0950

- Eniş hədəfləri: 1.0500, 1.0340

Böyük Britaniya

10 noyabr

11:00 – ÜDM göstəricisi ( 3-cü rüb).

Ötən həftə İngiltərə Bankının faiz qərarından sonra açıqlanan məlumatlara görə,

bank növbəti ilin sonunadək 55 baza vahidi qədər enişə gedə bilər.

Bundan əlavə, bankların likvidliliyini artırmaq üçün alternativ mənbələr axtarılacaq,

maliyyə stabilliyinin pozulmasının qarşısını alan risklərdən uzaq olmaq bankın əsas məqsədlərindəndir.

Cari həftənin gözləntiləri:

- Artım hədəfləri: 1.2500, 1.2650

- Eniş hədəfləri: 1.2050, 1.1850

ABŞ

08 noyabr

18:15 – FES rəhbəri Pauelin çıxışı;

19:30 – Xam neft ehtiyatları.

09 noyabr

17:30 – İşsizlik müavinətləri üzrə ilkin müraciətlərin sayı;

23:00 – FES rəhbəri Pauelin çıxışı.

Ötən həftə FES-in qərarı və sədri Pauelin çıxışı göstərdi ki,

bankın 2022-ci ilin yazından başlayaraq inflyasiya ilə mübarizədə həyata keçirilən sərt tədbirlər

və ardıcıl faiz artımı inflyasiyanın təzyiq altında qalmasına səbəb olub.

Həmçinin o qeyd edib ki, xəzinə istiqrazlarının gəlirliyinin artması

növbəti faiz artımına məhdudiyyət yarada bilər.

Digər tərəfdən, cümə günü əmək bazarından açıqlanan göstəricilər oktyabr ayında

qeyri-kənd təsərrüfatı sektorunda yeni iş yerlərinin sayında azalmanın müşahidə olunduğunu göstərir.

Cari həftənin gözləntiləri:

- Artım hədəfləri: 106.00, 107.00

- Eniş hədəfləri: 104.00, 103.00

Avstraliya

07 noyabr

07:30 – Uçot faiz dərəcəsi ilə bağlı qərar.

Beynəlxalq Valyuta Fondunun açıqlamasına görə,

Avstraliyanın həm iqtisadiyyatı, həm də inflyasiya səviyyəsi stabil olaraq qalmaqdadır.

Bu da Avstraliya Ehtiyat Bankının faiz artımı istiqamətində

addımlarını davam etdirmək gərəkliyini gündəmdə saxlayır.

Cari həftənin gözləntiləri:

- Artım hədəfləri: 0.6600, 0.6700

- Eniş hədəfləri: 0.6420, 0.6340

Qızıl

Oktyabr ayı ərzində qızılın qiyməti 2000$ səviyyəsi üzərini test edib.

Beləliklə son 12 ay ərzində qızılın qiyməti 13% bahalaşıb.

Hazırda Yaxın Şərqdə davam edən münaqişə və onun

regiona yayılması qorxusu qızılın qiymətini dəstəkləyir.

Dünya Qızıl Birliyinin açıqlamasına görə,

Mərkəzi Bankların qızıla olan marağı artmaqdadır.

Belə ki, sentyabr ayına olan göstəricilərə görə, qızıl ehtiyatlarının həcmi 77 t artıb.

Ehtiyatlarını artıran banklar sırasında Çin, Özbəkistan, Türkiyə,

Polşa, Sinqapur, Hindistan, Qatar kimi ölkələr qeyd olunub.

Cari həftənin gözləntiləri:

- Artım hədəfləri: 2020.00, 2045.00

- Eniş hədəfləri: 1970.00, 1950.00

Neft

Neft ötən həftəni eniş istiqamətində tamamlayıb.

Belə ki, makroiqtisadi göstəricilərin təzyiqi davam etdiyi halda neft 80$ altında ticarət oluna bilər.

Ümumi olaraq, oktyabr ayı ərzində neft üfüqi istiqamətdə ticarət olunub.

Lakin ümumi proqnozlara görə, cari ilin 4-cü rübü və

2024-cü ilin ilk rübündə Brent markalı neftin qiyməti 100$ üzərində olacaq.

Digər tərəfdən, Yaxın Şərqdə davam edən gərginlik neftin qiymətini təzyiq altında saxlayır.

ABŞ-da isə xam neft ehtiyatlarının həcmində artım müşahidə olunub.

Cari həftənin gözləntiləri: (Brent)

- Artım hədəfləri: 88.00, 92.00

- Eniş hədəfləri: 81.00, 78.00

Cari həftənin gözləntiləri: (WTI)

- Artım hədəfləri: 84.00, 88.00

- Eniş hədəfləri: 77.00, 73.00

Valyuta bazarında baş verən ən son yeniliklərdən xəbərdar olmaq üçün bizi “Telegram” kanalımızda izləyin!

https://t.me/uforex_az