Foreks bazarının həftəlik təqvimi və analitikası 17.03.025 -23.03.2025
UForexcari həftənin mühüm xəbərlərini nəzərinizə çatdırır:
İnvestorlar ABŞ dollarına yatırım etməzdən öncə FED-in qərarını diqqətlə gözləyirlər.
Trampın ticarət siyasəti və FED-in faiz endirimi ehtimalları, əmtəə qiymətlərinin yüksəlməsinə təkan verir.
Funt, BoE və FED arasında siyasət fərqinə görə dəyər qazanmağa davam edir.
Çinin istehlakı stimullaşdırmaq üçün yeni tədbirlər elan etməsi qara qızılın qiymətinə müsbət təsir edir.
FED-in faiz endiriminə getməsi şəraitində qızıl yeni rekord səviyyələri görə bilər.
FED-in faizləri 4,25-4,50% aralığında saxlayacağı gözlənilir. USD-nin gələcəyi isə FED-in açıqlamalarına əsaslanacaq,
bu da yaxın və uzunmüddətli faiz proqnozlarını və iqtisadi artım, məşğulluq və inflyasiya göstəricilərini əks etdirəcək.
İnvestorlar, həmçinin FED-in sədri Cerom Pauelin ABŞ-nin iqtisadi vəziyyəti ilə bağlı açıqlamalarına diqqət edəcəklər.
ABŞ Maliyyə Naziri Skot Bessent bazar günü NBC News-a verdiyi müsahibədə, ABŞ-nin güclü iqtisadi siyasət tətbiq edəcəyini,
amma düzəlişlərin ola biləcəyini qeyd edib. O, həmçinin ABŞ-nin "kütləvi dövlət xərclərindən" uzaqlaşması lazım olduğunu vurğulayıb.
Digər tərəfdən, ticarət müharibəsi fonundan dolların digər cütlüklər qarşısında artımı məhdud olaraq qalır.
17 mart
16:30 – Pərakəndə satışın baza indeksi (fevral)
16:30 – Pərakəndə satış həcmi (fevral)
19 mart
17:30 – Xam neft ehtiyatları
22:00 – Federal Açıq Bazar Komitəsinin iqtisadi proqnozları
22:00 – Federal Açıq Bazar Komitəsinin (FOMC) bəyanatı
22:00 – FED-inuçot faiz dərəcəsi ilə bağlı qərarı
22:30 – Federal Açıq Bazar Komitəsinin (FOMC) mətbuat konfransı
20 mart
16:30 – İşsizlik müavinətləri üzrə ilkin müraciətlərin sayı
16:30 – Filadelfiya FED-inin istehsal aktivliyinin indeksi (mart)
18:00 – Təkrar mənzil bazarında satışlar (fevral)
EUR/USD bu həftə ABŞ və Rusiya arasında mümkün atəşkəs müzakirələri ilə bağlı xəbərlərdən dəstək ala bilər.
Həmçinin Almaniyanın pul siyasətinin qurulması və dövlət xərclərinin artırılması barədə razılaşma avronu gücləndirib.
Avropa Mərkəzi Bankının (ECB) vitse-prezidenti Luis de Gindos,
ABŞ-nin yeni siyasətinin iqtisadi qeyri-müəyyənlik yaratdığını vurğulayıb.
ECB İdarəetmə Şurasının üzvü Fransua Villerua de Galo isə avronun beynəlxalq səhnədə daha güclü rol oynamasının vacibliyini qeyd edib.
Bazarlar, FED-in çərşənbə günü iclasını başa vurduqdan sonra mövcud siyasətini davam etdirəcəyini gözləyir.
CME FedWatch alətinə görə, treyderlər iyun ayına qədər faiz dərəcəsinin 0,25% endirilməsi ehtimalını 75% olaraq qiymətləndirirlər.
19 mart
14: 00 – İstehlak qiymətləri indeksi (illik) (fevral)
Cari həftənin gözləntiləri:
- Artım hədəfləri: 1.0918; 1.0954; 1.0995
- Eniş hədəfləri: 1.0776; 1.0672; 1.0419
ABŞ Prezidenti Trampın tarif siyasəti və zəif iqtisadi göstəricilər fonunda, USD rəqibləri qarşısında dəyər itirir.
FED-in faiz endirimi gözləntiləri dolları zəiflədərkən, GBP/USD cütlüyünü dəstəkləyir
Eyni zamanda, Asiya bazarlarındakı müsbət əhval da dolların etibarlı sığınacaq kimi cazibəsini azaldır.
Digər tərəfdən, Britaniya funtu zəif iqtisadi göstəricilərə baxmayaraq, İngiltərə Bankının faiz endirimlərini
gecikdirəcəyi ehtimalları ilə dəstək qazanır.
Bu, GBP/USD cütlüyünün yüksəlişini qoruyur.
Treyderlərin bu həftə əsas diqqəti çərşənbə günü FOMC iclasının nəticələrinə və cümə axşamı BoE-nin siyasət qərarına yönələcək.
20 mart
16:00 – İngiltərə Bankının inflyasiya ilə bağlı məktubu
16:00 – Uçot faiz dərəcəsi ilə bağlı qərar
Cari həftənin gözləntiləri:
- Artım hədəfləri: 1.2994; 1.3009; 1.3026
- Eniş hədəfləri: 1.2784; 1.2637; 1.2440
WTI neftinin qiyməti bazar ertəsi Asiya sessiyasında 67,40 dollar ətrafında ticarət edilir və ardıcıl ikinci seansdır ki, artımını davam etdirir.
Artım, Çinin istehlakı stimullaşdırmaq üçün yeni tədbirlər elan etməsi və Yaxın Şərqdəki geosiyasi gərginliyin
tədarük narahatlıqlarını artırması fonunda baş verir.
Ən böyük neft idxalçısı olan Çində, xüsusən də avtomobil və texnologiya kimi sektorlarda daxili istehlakın artması
perspektivi enerji tələbatının potensial artımını göstərir. İstehlakda gözlənilən bu artım neft qiymətlərinin artmasına səbəb olub.
Digər tərəfdən, Goldman Sachs-ın analitikləri, Kanada, Çin və Meksika kimi ölkələrə tətbiq edilən rüsumlar səbəbindən
ABŞ iqtisadiyyatının gözləniləndən daha yavaş inkişaf edəcəyini gözlədiklərini bildirərək,
neft qiymətləri ilə bağlı proqnozları aşağı salıblar.Neft qiymətləri,
həmçinin Ukrayna müharibəsinin tez bir zamanda həllinə nikbinliyin azalması fonunda dəstək qazanır.
Cari həftənin gözləntiləri: (WTI)
- Artım hədəfləri: 73.72;75.95; 79.07
- Eniş hədəfləri: 66.06; 65.02; 63.92
Cari həftənin gözləntiləri: (Brent)
- Artım hədəfləri: 76.42; 78.34; 82.97
- Eniş hədəfləri: 69.30; 68.26; 67.21
Qızılın qiyməti bazar ertəsi alıcıları cəlb etməkdə çətinlik çəkir, lakin hələ də rekord səviyyəyə yaxın qalır.
Artan ticarət gərginliyi və qlobal ticarət müharibəsi narahatlıqları fonunda geosiyasi risklər qızıl üçün dəstək rolunu oynamağa davam edir.
Bundan əlavə, FED-in əlavə faiz endirimi gözləntiləri qızıla olan tələbi artırır.
ABŞ-nin gözləniləndən zəif iqtisadi göstəriciləri dolların yumşalmasına səbəb olaraq qızılın yüksəlməsinə dəstək verir.
Miçiqan Universitetinin İstehlakçı Həssaslığı İndeksi 64,7-dən 57,9-a enərək, 2022-ci ilin noyabrından bəri ən aşağı səviyyəyə düşdü.
Digər tərəfdən, gərgin geosiyasi əhval fonunda qızılın qiyməti alıcıları cəlb edə bilər.
Cari həftənin gözləntiləri:
- Artım hədəfləri: 3008.32; 3017.07; 3029.10;
- Eniş hədəfləri: 2976.06; 2964.03; 2849.54;
Valyuta bazarında baş verən ən son yeniliklərdən xəbərdar olmaq üçün bizi “Telegram” kanalımızda izləyin!
Ətraflı məlumat üçün sorğu göndərin
Sizin sorğunuz uğurla göndərildi.
© 2025 Unicapital İnvestisiya Şirkəti ASC.
Bütün hüquqlar qorunur.