Foreks bazarının həftəlik təqvimi və analitikası 17.11.2025 - 23.11.2025

UForexcari həftənin mühüm xəbərlərini nəzərinizə çatdırır:

Bu həftə qlobal maliyyə bazarları uzun müddətdir yığılan qeyri-müəyyənliyin
kulminasiya nöqtəsinə yaxınlaşır. ABŞ hökumətinin 43 günlük shutdown-dan sonra
yenidən açılması, informasiya axınının bərpa olunması və FED-in qərarvermə
mexanizminin yenidən aydınlaşması bazarlarda yeni istiqamət axtarışını gücləndirib.

Son həftələr dollar indeksinin ardıcıl iki dəfə geri çəkilməsi bazarın xəbər boşluğunda
qeyri-sabit davranışını əks etdirirdi. İndi isə vəziyyət daha mürəkkəbdir:
məlumatların bir hissəsi gecikmə ilə gələcək, bir hissəsi ümumiyyətlə itirilmiş sayılır
və bu, FED-in yaratdığı mənzərəni natamam edəcək. Bazar məhz bu boşluğun
nəticələrini qiymətləndirir.

Bu həftə yeni yayımlanacaq makrogöstəricilər - xüsusilə PMI-lar, həftəlik məşğulluq
indikatorları, bazar əhvalı indeksləri və FOMC Minutes - təkcə dolların deyil,
bütün risk aktivlərinin istiqamətini müəyyənləşdirə bilər. “Shutdown” sonrası ilk
məlumatlar ya bazarı sakitləşdirəcək, ya da yeni volatillik dalğası yaradacaq.

Əsas sual budur: FED məlumat çatışmazlığı səbəbindən ehtiyatlı davranacaq,
yoxsa zəiflik əlamətlərini görüb yenidən yumşaltma siyasətinə qayıdacaq?

Məhz bu cavab yaxın günlərdə EUR/USD, qızıl və neft kimi əsas aktivlərin trendini
formalaşdıracaq.

ABŞ

ABŞ iqtisadiyyatının hazırkı vəziyyətində qeyri-müəyyənlik pik həddədir.
“Shutdown” zamanı bəzi sorğuların aparılmaması Əmək Statistikası Bürosu (BLS)
üçün “məlumat boşluğu” yaradıb. Ağ Ev nümayəndəsinin “bəziləri heç vaxt dərc
olunmaya bilər” açıqlaması isə bazarda əvvəl görünməmiş bir narahatlıq doğurdu.

FED üzvləri arasında parçalanma daha kəskindir:

– “Dovish” tərəfdarları əmək bazarının zəiflədiyini, kreditləşmənin soyuduğunu,
tələbin yumşaldığını bildirir.
– “Hawkish” tərəfdarları isə inflyasiyanın 3% civarında qaldığını, riskin endirim deyil,
erkən yumşalma olduğunu vurğulayır.

Bu fikir ayrılığı dekabr qərarını tam qeyri-müəyyən edir. Bazar gözləntiləri 50/50-yə
yaxınlaşdıqca, dolların hərəkət istiqaməti getdikcə daha çox məlumatlardan asılı olacaq.

Məhz buna görə bu həftə açıqlanacaq indikatorlar əhəmiyyətini ikiqat artırır.
Hər bir göstərici dolları həm yuxarı, həm aşağı apara biləcək qədər kritikdir.

19 noyabr

19:30 – Xam neft ehtiyatları
23:00 – Federal Açıq Bazar Komitəsinin (FOMC) protokollarının dərci

20 noyabr

17:30 – Saatlıq orta əməkhaqqı (aylıq) (sentyabr)
17:30 – İşsizlik müavinətləri üzrə ilkin müraciətlərin sayı
17:30 – Qeyri-kənd təsərrüfatı sektorunda məşğulluq göstəricisi (sentyabr)
17:30 – Filadelfiya FED-inin istehsal aktivliyinin indeksi (noyabr)
17:30 – İşsizlik göstəricisi (sentyabr)
19:00 – Təkrar mənzil bazarında satışlar (oktyabr)

21 noyabr

18:45 – İstehsal sektorunda biznes aktivliyinin indeksi (PMI) (noyabr)
18:45 – Xidmət sektorunda biznes aktivliyinin indeksi (PMI) (noyabr)

Avrozona

Avrozonada makromənzərə həm zəif, həm də stabil olaraq qalır. AMB siyasətində “kəskin dönüş”
siqnalları yoxdur. K.Laqardın “yaxşı mövqedəyik” açıqlaması bazarlara göstərir ki,
Avropa iqtisadiyyatı nə sürətlənir, nə də çökməyə yaxınlaşır – sadəcə zəif və balanslıdır.

Bunun fonunda EUR/USD üçün əsas hərəkət amili Avropa deyil, ABŞ-dir. Yəni avronu hərəkət
etdirən daha çox dollar dinamiki və risk iştahıdır. 1.1600 üzərində qalması bazarın bu cütlükdə
hələ də yuxarı ssenarini tam bağlamadığını göstərir.

Əgər ABŞ məlumatları gözləntilərdən zəif gələrsə, bazar FED-dən daha çox yumşalma gözləməyə
başlayacaq və EUR/USD 1.1660-1.1720 aralığına doğru genişlənə bilər.

19 noyabr
14:00 – Avrozonada istehlak qiymətləri indeksi (illik) (oktyabr)

Cari həftənin gözləntiləri:

• Artım hədəfləri: 1.1660; 1.1725; 1.1800
• Eniş hədəfləri: 1.1585; 1.1520; 1.1460

Neft

Neft bazarı uzun müddətdir fundamental olaraq dəyişmir: təchizat yüksəkdir, tələbat zəifdir
və bazar geniş bir diapazon daxilində “stabil zəiflik” nümayiş etdirir.

WTI üçün 58-61 diapazonu artıq bazarın təbii ritminə çevrilib. Hər iki istiqamətdə qısa impulslar
olsa da, trendin dəyişdiyini söyləmək mümkün deyil. Qiymətin 60 dolları mütəmadi test etməsi
treyderlər üçün klassik qısa müddətli imkan yaradır, lakin struktur dəyişiklik ehtimalı kiçikdir.

Brent isə geniş eniş kanalının yuxarı sərhədinə doğru hərəkət etsə də, fundamental zəiflik
davam edir. RSI və texniki quruluş qiymətin hər yüksəlişdə satışa məruz qalacağını göstərir.
66.95 qısa müddətli döngə nöqtəsi kimi çıxış edir. Onun aşılması yalnız qısa mövqelərin
bağlanması hesabına qısamüddətli artıma səbəb ola bilər. Trendin dəyişməsi üçün 73.65 üzərində
davamlı ticarət lazımdır ki, bu da indiki fundamental fonda çətin görünür.

Cari həftənin gözləntiləri (Brent):

• Artım hədəfləri: 66.95; 73.65; 79.55
• Eniş hədəfləri: 58.45; 52.45; 48.80

Cari həftənin gözləntiləri (WTI):

• Artım hədəfləri: 60.50; 61.70; 63.40
• Eniş hədəfləri: 58.10; 57.85; 56.20

Qızıl

Qızıl hazırkı makromühitin ən aydın refleksiyasını göstərir. “Shutdown” və məlumat boşluğu
investorları yenidən təhlükəsiz aktivlərə yönəltdi, bu isə qiyməti 4200 dollar üzərinə qaldırdı.
Daha sonra FED-in “hawkish” rəy verməsi kiçik korreksiya yaratsa da, geniş mənzərə
hələ də müsbət olaraq qalır.

Qızılın texniki vəziyyəti güclüdür:
– qiymət bütün əsas orta qiymətlərin üzərindədir,
– uzunmüddətli trend açıq-aydın yuxarı doğrudur,
– fundamental risklərin bir qismi hələ də qalır.

XAU/USD üçün yaxın günlərdə ən kritik faktor – ABŞ-dən gələcək göstəricilər və FED-in mesajıdır.
Məlumatlar zəif gələrsə, qızıl yenidən 4245 üzərində güclü impuls ala bilər. Güclü məlumatlar isə
qısa müddətli korreksiyanı dərinləşdirə bilər, amma trendi dəyişməz.

Cari həftənin gözləntiləri:

• Artım hədəfləri: 4245; 4360; 4480

Eniş hədəfləri: 3975; 3845; 3710

Valyuta bazarında baş verən ən son yeniliklərdən xəbərdar olmaq üçün bizi “Telegram” kanalımızda izləyin!

https://t.me/uforex_az