Foreks bazarının həftəlik təqvimi və analitikası 22.12.2025 - 28.12.2025

22 Dekabr 2025

UForexcari həftənin mühüm xəbərlərini nəzərinizə çatdırır:

Keçən həftə bazarlarda əsas hərəkətlər ABŞ-də inflyasiya və faiz dərəcələri
ilə bağlı gözləntilər fonunda baş verdi. İlin sonuna yaxınlaşdıqca ticarət
həcmlərinin azalması bazarın reaksiyalarını daha kəskin etdi. Yəni həcm azaldıqca
qiymətlər xəbərlərə və texniki səviyyələrə daha sürətli reaksiya verdi.

Cari həftə qısa və bayram öncəsi həftə olduğu üçün bazarda aktivliyin zəif qalacağı
gözlənilir. Bu şəraitdə qiymətlər texniki səviyyələrə daha tez çata bilər, lakin
hərəkətlərin davamlılığı zəif ola bilər. Həftə ərzində ABŞ-də açıqlanacaq inflyasiya
göstəriciləri, iqtisadi artımın yenilənmiş məlumatları, istehlakçı aktivliyi və əmək
bazarı statistikası dolların qısamüddətli istiqamətinə və ümumi risk iştahasına
təsir göstərə bilər.

ABŞ

ABŞ bazarları üçün bu həftə əsas diqqət inflyasiya göstəricilərinə və iqtisadi aktivliyin
ümumi vəziyyətinə yönəlir. İnflyasiya ilə bağlı məlumatlar faiz dərəcələri üzrə
gözləntilərə təsir göstərə bilər. İqtisadi artım və istehlak göstəriciləri isə ABŞ
iqtisadiyyatının nə qədər dayanıqlı olduğunu nümayiş etdirən əsas siqnallar
hesab olunur.

Açıqlanacaq rəqəmlər gözləntilərdən fərqli olarsa, dollar üzrə qısamüddətli dalğalanmalar
müşahidə oluna bilər. Bununla yanaşı, qısa həftə fonunda bazarda güclü və uzunmüddətli
trend formalaşması çətin ola bilər.

23 dekabr

17:30 – Ümumi Daxili Məhsul göstəricisi (rüblük) (3-cü rüb)
17:30 – Şəxsi istehlak xərcləri üzrə əsas qiymət indeksi (illik) (oktyabr)
17:30 – Şəxsi istehlak xərcləri üzrə əsas qiymət indeksi (aylıq) (oktyabr)
19:00 – İstehlakçı güvən indeksi (dekabr)

24 dekabr
00:01 – Yeni mənzil satışları (sentyabr)
00:02 – Yeni mənzil satışları (oktyabr)
00:03 – Yeni mənzil satışları (noyabr)
17:30 – İşsizlik müavinətləri üzrə ilkin müraciətlərin sayı
19:30 – Xam neft ehtiyatları

Avrozona

Avrozonada bu həftə əhəmiyyətli makroiqtisadi açıqlamaların az olması gözlənilir. Bu səbəbdən
avronun hərəkəti əsasən ABŞ-dən gələn xəbərlərə və qlobal risk iştahasına bağlı qala bilər.

Mövcud göstəricilər Avrozonada istehlakçı inamının hələ də zəif olduğunu göstərir. Bu da
avronun güclü və davamlı yüksəliş göstərməsini çətinləşdirən amil kimi qiymətləndirilir.
Nəticə etibarilə, EUR/USD cütlüyündə əsas istiqamət yenə də ABŞ-dən gələn xəbərlərdən
asılı ola bilər.

Cari həftənin gözləntiləri:

Artım ehtimalları: 1.1780 ; 1.1840 ; 1.1900
Eniş ehtimalları: 1.1700 ; 1.1640 ; 1.1560

Neft

Neft bazarında qısa həftə fonunda əsas risk ondan ibarətdir ki, geosiyasi xəbərlər az həcm
şəraitində qiymətlərə daha güclü təsir göstərə bilər. Müxtəlif regionlarda mövcud
gərginliklər qısamüddətli dəstək yarada bilər.

Eyni zamanda bazarda qlobal tələb ilə təklifin tənzimlənməsi arasında balans hələ də tam
formalaşmayıb. Bu səbəbdən qiymətlərdə yüksəliş cəhdləri mümkün olsa da, onların
davamlılığı ilə bağlı risklər qalır. Cari həftədə neftdə hərəkətlərin daha çox xəbərlər və
texniki səviyyələr əsasında formalaşması ehtimal olunur.

Cari həftənin gözləntiləri (Brent):

Artım ehtimalları: 62.30 ; 63.80 ; 65.20
Eniş ehtimalları: 60.00 ; 58.80 ; 57.50

Cari həftənin gözləntiləri (WTI):

Artım ehtimalları: 58.20 ; 59.40 ; 60.60
Eniş ehtimalları: 56.00 ; 54.80 ; 53.50

Qızıl

Qızıl hazırda risklərdən yayınma meyli və faiz dərəcələri ilə bağlı gözləntilər fonunda yüksək
qiymət səviyyələrində qalır. ABŞ-də açıqlanacaq inflyasiya və iqtisadi göstəricilər dolların və
real gəlirliliyin davranışına təsir etdikcə qızıl da buna həssas reaksiya verə bilər.

Qiymətlər rekord zonalara yaxın olduğu üçün qısamüddətli geri çəkilmələr mümkündür.
Bununla yanaşı, qlobal qeyri-müəyyənliklər və mərkəzi bankların qızıl ehtiyatlarını artırması
ümumi fonu dəstəkləyən amillər kimi qalır.

Cari həftənin gözləntiləri