Foreks bazarının həftəlik təqvimi və analitikası 25.08.2025 - 31.08.2025

UForexcari həftənin mühüm xəbərlərini nəzərinizə çatdırır:
Qlobal bazarlar ötən həftə yenidən ABŞ Federal Ehtiyat Sisteminin

siyasətinə fokuslandı. “Jackson Hole” simpoziumunda Cerom Pauelin

çıxışı zamanı əmək bazarındakı zəifləməni açıq şəkildə vurğulaması və

tariflərin inflyasiya effekti barədə “qısamüddətli” mesajı bazar üçün dönüş

nöqtəsi oldu. Bu, sentyabrda faizlərin azaldılmasına dair gözləntiləri möhkəmləndirdi

və investor davranışında risk alma istəyi artdı.

ABŞ dolları əvvəlki güclənmədən sonra

zəifləyərək EUR/USD və qızıl üçün dəstək yaratdı. Avrozona göstəriciləri, xüsusilə

PMI-ların yüksəlməsi, iqtisadi aktivlikdə zəif də olsa, müsbət dinamikanı qorudu.

Asiya tərəfdə Tokio CPI-lərində yüksəliş ehtimalı ilin sonuna qədər BoJ-nin faiz artımı

qərarını daha real göstərir. Əmtəə bazarlarında neft bir qədər dirçəlsə də, hələ də zəif

qlobal tələb fonunda risk altında qalır. Qızıl isə investorların qoruyucu aktivlərə yönəlməsi

ilə güclənməyə davam edir. Bu həftə diqqət ABŞ-də ikinci rüb üzrə ÜDM, iyul ayı üzrə inflyasiya

(PCE) və Avrozonanın ilkin CPI göstəricilərinə yönələcək.

ABŞ

ABŞ iqtisadiyyatı ikinci rübdə illik 3% artım göstərərək birinci rübdəki mənfi təsirləri aradan

qaldırdı. İdxalın kəskin azalması bu artımı gücləndirsə də, daxili istehlak və xidmətlər də

iqtisadiyyata dəstək verdi. Bununla belə, diqqət artıq tamamilə inflyasiyadadır. PCE göstəricisi

FED üçün əsas ölçüdür və hazırda baza PCE göstəricisi hədəfdən yuxarıda qalır. İyul ayına dair

rəqəmlərin proqnozlardan yüksək açıqlanması sentyabr enişindən sonrakı əlavə yumşalmanı

sual altına qoya bilər.

Əksinə, zəif PCE göstəricisi FED-in ardıcıl enişlərə dair gözləntiləri möhkəmləndirə və dollar

üzərində əlavə təzyiq yarada bilər. Hazırkı vəziyyətdə ABŞ dolları inflyasiyanın istiqamətindən

asılı olaraq qısa müddətdə kəskin dalğalanma göstərə bilər. Bu isə həm EUR/USD, həm də qızıl

üçün əsas hərəkətverici qüvvə olacaq.

25 avqust

18:00 – Yeni mənzil satışları (iyul)

26 avqust

18:00 – İstehlakçı güvən indeksi (avqust)

27 avqust
18:30 – Xam neft ehtiyatları

28 avqust

16:30 – Ümumi Daxili Məhsul göstəricisi (2-ci rüb)

16:30 – İşsizlik müavinətləri üzrə ilkin müraciətlərin sayı

29 avqust

16:30 – Şəxsi istehlak xərcləri üzrə əsas qiymət indeksi (aylıq) (iyul)
16:30 – Şəxsi istehlak xərcləri üzrə əsas qiymət indeksi (illik) (iyul)

Avrozona

Avrozonada iqtisadi bərpa hələ də kövrəkdir, amma inflyasiya göstəriciləri

Avropa Mərkəzi Bankı (ECB) üçün əlavə faiz azaldılmasını zəruri etmir.

İtaliya, Fransa və Almaniyadan gələcək CPI rəqəmləri xüsusilə vacibdir,

çünki məhz bu ölkələr inflyasiyanın ümumi trayektoriyasını müəyyənləşdirir.

Əgər inflyasiya (CPI) azalmasa və hədəf səviyyədən yüksək qalarsa, bu, bazarlar

üçün ECB-nin fasiləni daha uzun müddət saxlayacağı barədə siqnal olacaq.

Bu isə avroya qısamüddətli dəstək, EUR/USD üçün isə potensial yüksəliş impulsu

yarada bilər. Əks halda, zəif CPI avronun üstünlüyünü zəiflədəcək və diqqəti yenidən

ABŞ göstəricilərinə yönəldəcək.

29 avqust

16:00 – Almaniyada istehlak qiymətlərinin indeksi (aylıq) (avqust)

Cari həftənin gözləntiləri:

- Artım hədəfləri: 1.1730; 1.1830; 1.1900

- Eniş hədəfləri: 1.1650;1.1590

Neft

Neft bazarları ötən həftənin zəifliyindən çətinliklə də olsa, bir qədər bərpa olunub.

WTI həftə ərzində 61.4 dəstəyindən dönərək 63.8-ə qədər qalxdı, amma 64.0 üzərində

sabitləşməkdə çətinlik çəkdi. Brent isə, əsasən eniş tendensiyasını saxlayır: texniki mənzərə

göstərir ki, qiymət 71.45 ətrafına qədər qısamüddətli yüksəliş göstərə bilər, lakin daha sonra

eniş yenidən güclənə bilər. Fundamental baxımdan qlobal tələbin zəifliyi, Almaniya və digər

Avropa iqtisadiyyatlarından gələn qarışıq siqnallar qiymətləri məhdudlaşdırır. ABŞ-dən gələcək

ÜDM və PCE məlumatları da neft bazarında dalğalanmalara səbəb olacaq, lakin ümumi mənzərə

hələ də “güclü təklif - zəif tələb” balansı ilə izah olunur.

Cari həftənin gözləntiləri (Brent):

- Artım hədəfləri: 71.45; 79.25; 86.05

- Eniş hədəfləri: 63.05; 55.25

Cari həftənin gözləntiləri (WTI):

- Artım hədəfləri: 64.00; 65.20

- Eniş hədəfləri: 62.00; 61.40

Qızıl

Qızıl investorların qoruyucu alətə marağının artması fonunda ötən həftəni 3 350 dollar

üzərində bağladı və 3 370 ətrafına yüksəldi. C.Pauelin “yumşaq” mesajları və dolların

zəifləməsi qiymətə güclü dəstək verdi. Texniki baxımdan 3 350 üzərində möhkəmlənmə

qızıl üçün müsbət siqnaldır. İndi diqqət ABŞ PCE rəqəmlərinə yönəlib: əgər inflyasiya zəif

gələrsə, qızıl 3 400-3 430 müqavimətlərini yoxlaya, hətta psixoloji 3 500 həddinə yaxınlaşa bilər.

Güclü PCE göstəricisi isə gəlirlilikləri yuxarı çəkərək qızılı 3 315-3 285 zonalarına geri sala bilər.

Ümumilikdə isə qızıl bazarında əhvali-ruhiyyə hələ də müsbətdir, çünki FED-in siyasətinin yumşalması

gözləntiləri hələ də güclüdür.

Cari həftənin gözləntiləri:

- Artım hədəfləri: 3 400; 3 430; 3 500

- Eniş hədəfləri: 3 350; 3 315; 3 285

Valyuta bazarında baş verən ən son yeniliklərdən xəbərdar olmaq üçün bizi “Telegram” kanalımızda izləyin!

https://t.me/uforex_az