Foreks bazarının həftəlik təqvimi və analitikası 29.09.2025 - 05.10.2025

UForexcari həftənin mühüm xəbərlərini nəzərinizə çatdırır:
Keçən həftə bazarlar ABŞ iqtisadi göstəricilərinə fokuslandı. İkinci rüb üzrə ÜDM-in

3.8%-ə qədər artırılması, uzunmüddətli istifadə üçün nəzərdə tutulan mallara sifarişlərin

çoxalması və işsizlik müraciətlərinin gözləniləndən az olması ABŞ dollarını gücləndirdi.

Avrozona isə zəif sənaye istehsalı fonunda xidmət sektorunun hesabına mülayim artım göstərdi.

Qızıl tarixi maksimuma çatsa da, güclü dollar fonunda həftəni konsolidasiyada tamamladı.

Neft bazarında Brent markalı neftin qiyməti zəifləyərək 70 dollara yaxın səviyyədə bağlandı,

WTI isə qısa müddət 66 dollar həddinə yüksəlsə də, sonradan geri çəkildi.

Cari həftədə diqqət ABŞ əmək bazarı göstəricilərinə, xüsusilə Non-Farm Payrolls (NFP) və

işsizlik səviyyəsinə, Avrozona-nın inflyasiya və pərakəndə satış məlumatlarına yönələcək.

Bazarlar üçün əsas risk - iş yerləri məlumatlarının gözləntilərdən fərqli olmasıdır, çünki bu,

FED-in oktyabr və dekabr faiz qərarlarına birbaşa təsir edəcək.

ABŞ

ABŞ iqtisadiyyatı hələ də güclü olaraq qalır: ÜDM artımı, uzunmüddətli istifadə üçün nəzərdə

tutulan mallara sifarişlər və işsizlik müraciətləri iqtisadi gücü göstərdi. FED-in rəhbəri Cerom Pauel

isə ehtiyatlı mövqe saxlayaraq daha aqressiv faiz endirimlərinin riskli ola biləcəyini qeyd etdi.

Buna baxmayaraq, bazarlar ilin sonuna qədər əlavə faiz endirimlərini qiymətləməkdə davam edir.

Cari həftənin əsas xəbərləri - ADP məşğulluq, ISM istehsal və xidmət PMI, JOLTS iş yerləri və

ən önəmlisi NFP olacaq. Gözləntilər zəif artım (təxminən 39 min yeni iş yeri) istiqamətindədir.

Daha zəif nəticələr FED-i daha aqressiv endirimə məcbur edə bilər, güclü nəticələr isə dolları dəstəkləyəcək.

29 sentyabr

21:15 – Prezident D.Trampın çıxışı

30 sentyabr

18:00 – İstehlakçı güvən indeksi (sentyabr)
18:00 – “JOLTS” əmək birjasında açıq vakansiyaların sayı (avqust)

1 oktyabr

16:15 – ADP-dən qeyri-kənd təsərrüfatı sektorunda məşğulluq göstəricisi (sentyabr)

17:45 – İstehsal sektorunda biznes aktivliyinin indeksi (PMI) (sentyabr)

18:00 – ISM-dən istehsal sektorunda biznes aktivliyinin indeksi (PMI) (sentyabr)

18:30 – Xam neft ehtiyatları

2 oktyabr

16:30 – İşsizlik müavinətləri üzrə ilkin müraciətlərin sayı

3 oktyabr

16:30 – Saatlıq orta əməkhaqqı (aylıq) (sentyabr)

16:30 – Qeyri-kənd təsərrüfatı sektorunda məşğulluq göstəricisi (sentyabr)

16:30 – İşsizlik göstəricisi (sentyabr)

17:45 – Xidmət sektorunda biznes aktivliyinin indeksi (PMI) (sentyabr)

18:00 – ISM-dən qeyri-istehsal sektorunda biznes aktivliyinin indeksi (sentyabr)

Avrozona

Avrozonada istehsal sektoru azalmağa davam etsə də, xidmətlər sektorunun nisbətən

yaxşı nəticələri sayəsində Kompozit PMI 51.2-yə yüksəldi. Bu həftə Almaniyanın pərakəndə

satış və HICP (inflyasiya), Avrozona-nın ümumi CPI və istehsal qiymətləri diqqət mərkəzində olacaq.

Avropa Mərkəzi Bankının rəhbəri Kristin Laqard və digər mərkəzi bank rəsmilərinin

açıqlamaları avronun istiqamətinə təsir edə bilər.

Avro üçün əsas risk zəif inflyasiya və istehlak göstəriciləridir. Güclü nəticələr avronu dəstəkləyə,

zəif nəticələr isə EUR/USD-ni 1.16-dan aşağı sala bilər.

30 sentyabr

16:00 – Almaniyada istehlak qiymətlərinin indeksi (aylıq) (sentyabr)

1 oktyabr

13:00 – Avrozonada istehlak qiymətləri indeksi (illik) (sentyabr)

Cari həftənin gözləntiləri:

• Artım hədəfləri: 1.1730; 1.1830; 1.1920
• Eniş hədəfləri: 1.1600; 1.1580; 1.1390

Neft

Brent nefti həftəni 69 dollar civarında başa vurdu və texniki göstəricilərə görə eniş meyli davam edir.

Əsas müqavimət 71.45 dollar səviyyəsindədir. Əgər qiymət bu həddi aşsa, 79 dolları sınaqdan keçirə bilər.

Amma əsas gözlənti odur ki, Brent 64 dollara, hətta 57.65 dollar dəstəyinə qədər enə bilər.

WTI isə 66 dollar həddini test etsə də, həftəni 65 dollar altında tamamladı. Yüksəliş spekulyativ xarakter daşıyır,

bazarda hələ də təklif bolluğu qalır. Əsas dəstək 63.40 dollar, müqavimət isə 66.50 dollar səviyyəsindədir.

Cari həftənin gözləntiləri (Brent):

• Artım hədəfləri: 71.45; 79.05; 85.65
• Eniş hədəfləri: 64.05; 60.00; 57.65

Cari həftənin gözləntiləri (WTI):

• Artım hədəfləri: 66.20; 66.50; 68.00
• Eniş hədəfləri: 65.00; 63.40; 62.00

Qızıl

Qızıl (XAU/USD) yeni həftəyə güclü start verərək 3800 dollar üzərində yeni tarixi rekordlar müəyyənləşdirdi.

Yüksəlişin əsas səbəbləri ABŞ-də hökumətin bağlanma (shutdown) riski, zəif dollar və FED-in ilin sonuna

qədər əlavə faiz endirimlərinə dair gözləntilərdir. İnvestorlar risklərdən qorunmaq üçün ənənəvi

“safe-haven” aləti kimi qızıla üz tutur.

Həftə ərzində diqqət ABŞ əmək bazarı göstəricilərinə (JOLTS, ADP, ISM PMI və ən əsası NFP) yönələcək.

Əgər məşğulluq göstəriciləri zəif nəticə versə, bu, FED-i daha sürətli faiz endirimlərinə yönəldə bilər və

qızılın qiymətini yüksəldə bilər. Əksinə, güclü nəticələr dolları dəstəkləyərək qızılda qısa müddətli

korreksiya yarada bilər. Bundan başqa, ABŞ siyasətində qeyri-müəyyənliklər və Yaxın Şərqdəki

gərginliklər də əlavə dəstək amili kimi qalır.

Texniki mənzərə göstərir ki, qızıl “buy-the-dips” (düşüşdə alış) strategiyası ilə qalır. Həddindən artıq

“overbought” şəraitinə baxmayaraq, trend hələ də yuxarı yönlüdür. İlk güclü dəstək 3750-3670 dollar

zonasında, yuxarı hədəflər isə yeni rekordlara doğru açıq qalır.

Qızılın hazırkı impulsu daha çox ABŞ əmək bazarı statistikası və hökumətin “shutdown” riski ilə

bağlı olacaq. Əgər zəif məşğulluq göstəriciləri və siyasi qeyri-müəyyənliklər davam etsə, qızıl

3900 dollar üzərinə doğru hərəkət edə bilər. Əks halda, qısa müddətli korreksiya 3700 dollara

qədər dərinləşə bilər, amma ümumi yüksəliş tendensiyası hələ də qorunur.

Cari həftənin gözləntiləri:

• Artım hədəfləri: 3830; 3860; 3900
• Eniş hədəfləri: 3750; 3670; 3500

Valyuta bazarında baş verən ən son yeniliklərdən xəbərdar olmaq üçün bizi “Telegram” kanalımızda izləyin!

https://t.me/uforex_az