Yenilik: UForex onlayn hesab açılışını mümkün etdi

Artıq 11 ildir ki, UForex ölkənin ən qabaqcıl foreks brokeri qismində fəaliyyət göstərərək, minlərlə müştərilərə qlobal maliyyə bazarlarına çıxış təmin edir.

Beləliklə, o, növbəti dəfə yerli investisiya bazarında yeni təşəbbüsə imza atdı. Bu gündən etibarən investorlar hesab açılışını bank filialına yaxınlaşmadan, sadəcə uforex.az saytına daxil olub onlayn şəkildə həyata keçirə biləcəklər.

SİMA vasitəsilə bir neçə dəqiqə ərzində qeydiyyatdan keçib, UForex hesabına sahib olmaq və anında ticarətə başlamaq mümkündür.

“MetaTrader4” platforması üzərindən təqdim etdiyimiz bütün xidmətlərdən yararlanmaq istəyən hər bir şəxs UForex “Şəxsi kabinet”inə daxil olub, qeydiyyatdan keçə bilər.

Xatırladaq ki, UForex “Unicapital İnvestisiya Şirkəti” ASC-nin nəzdində fəaliyyət göstərir. Şirkət müştərilərinə real vaxt rejimində “MT4” platforması üzərindən qızıl, gümüş, neft, valyuta cütlükləri kimi maliyyə alətləri ilə qlobal bazarlarda ticarət edib qazanc əldə etmək imkanı təqdim edir.