Standard & Poor’s Azərbaycanın reytinqini yüksəltdi

Beynəlxalq reytinq agentliyi "Standard & Poor’s Global Ratings" Azərbaycanın xarici və yerli valyutada uzunmüddətli emitentin defolt reytinqini "BB+/В"səviyyəsinə yüksəltdi.

Agentliyin təsdiq etdiyi məlumata əsasən, reytinq "Neqativ"dən "Stabil"ə doğru dəyişdirilib.

Agentlik açıqlamasında bildirib ki, "BB" kateqoriyasına daxil olan müstəqil dövlətlər arasında Azərbaycanın büdcə və xarici fiskal mövqeyi ən güclülərdən biri hesab olunur. Bu mövqe "COVID-19"un səbəb olduğu zəif iqtisadiyyat dönəmində qorunub və saxlanılıb.

"S&P"-nin proqnozlarına görə, 2021-2024-cü illər ərzində Azərbaycanda ÜDM orta illik artım göstəricisi 3,4 % təşkil edə bilər. 2020-ci ildə "COVID-19" səbəbilə Azərbaycanda ÜDM göstəricisi zəifləyərək 5% təşkil etmişdir.

2021 – 2,1%

2022 - 5,7%

2023 – 3,7%

2024 – 2,2%

Eyni zamanda, agentlik növbəti illərdə Azərbaycan iqtisadiyyatına investisiya həcminin artacağını proqnozlaşdırır.

2021- 2,1%

2022-2023 – hər il üçün 2%

2024- 1,5%

İnflasiya göstəricisinin də növbəti illər üçün dəyişəcəyi proqnozlaşdırılır.

2021 – 2,7%

2022 – 2,9%

2023 – 2,6%

2024 – 2,7%

İşsizlik səviyyəsi Azərbaycanda ortamüddətli period üzrə enəcəyi proqnozlaşdırılır.

2021 - 5,7% (2020ci ildə 6,7%)

2022 - 5%

2023 - 4,9%

2024 - 4,7%